Auglýst er laus til umsóknar 100% staða almenns starfsmanns í Heiðarskóla, leik- og grunnskóla Hvalfjarðarsveitar. Um er að ræða blandað starf húsvarðar og baðvarðar, auk fjölbreyttra starfa sem til falla í skólanum. Vegna baðvarðarhlutans er óskað eftir karlmanni í stöðuna. Viðkomandi mun þurfa að standast hæfnipróf starfsmanna sundstaða, vera jákvæður, hafa gaman af að starfa með börnum og vera tilbúinn að vinna margvísleg störf í lifandi skólaumhverfi undir stjórn skólastjóra. Iðnmenntun er kostur en ekki skilyrði.  Laun eru skv. samningum LN og SGS eða viðkomandi stéttarfélags. Umsóknir sendist á skólastjóra Heiðarskóla, Ingibjörgu Hannesdóttur, á netfangið ingibjorg.hannesdottir@hvalfjardarsveit.is fyrir miðvikudaginn 30. maí 2012. Frekari upplýsingar um starfið gefur skólastjóri í síma 858-1944.

Meira...

Laus er til umsóknar í Heiðarskóla, sameinuðum leik- og grunnskóla Hvalfjarðarsveitar, staða sem krefst sérmenntunar í einhverju af eftirfarandi: Iðjuþjálfun, þroskaþjálfun, talmeinafræði og/eða sérkennaramenntun. Um er að ræða hlutastöðu. Laun samkv. LN og viðkomandi stéttarfélagi. Umsóknir, ásamt ferilskrá, sendist til skólastjóra, Ingibjargar Hannesdóttur, á netfangið ingibjorg.hannesdottir@hvalfjardarsveit.is. fyrir 30. maí næstkomandi. Frekari upplýsingar gefur skólastjóri í síma 858-1944 og sérkennari skólans Andrea Anna Guðjónsdóttir í síma 433-8525

Meira...

Á þriðjudaginn, 15. maí, fara börn og starfsfólk leikskólans í heimsókn á Bjarteyjarsand. Lagt verður af stað með eldri deildina kl. 9:15 og yngri deildina 9:45. Biðjum við foreldra að vera mætt tímanlega þann dag og passa að öll börn séu vel búin til útiveru.

Meira...